Tbilisi, 7 yanvar, AZƏRTAC

Gürcüstanda koronavirusa yoluxma halları yenidən kəskin artıb. Son sutka ərzində ölkədə daha 4 234 nəfər koronavirusa yoluxub, 1 727 nəfər müalicə olunaraq sağalıb, 46 pasiyent isə pandemiyanın qurbanı olub.

AZƏRTAC xəbər verir ki, bu barədə Gürcüstan hökumətinin xüsusi rəsmi stopcov.ge saytında məlumat yerləşdirilib.

Bildirilir ki, bununla da ölkədə COVID-19 infeksiyasına yoluxanların ümumi sayı 953 410-a, sağalanların sayı 910 540-a, bu virusdan ölənlərin sayı isə 14 128-ə çatıb.

Hazırda Gürcüstanda daha 28 716 aktiv koronavirus xəstəsi var. Bundan başqa, 1053 nəfər klinik otellərdə, 47 nəfər karantin rejimində, 28 255 nəfər isə özünütəcrid rejimindədir.

Xətayi Əzizov

AZƏRTAC-ın xüsusi müxbiri

Tbilisi