Havanada üç nəfər tornadonun qurbanı olub
Bakı, 28 yanvar, AZƏRTAC
Kubanın paytaxtı Havana üzərindən keçən tornado 3 nəfərin ölümünə səbəb olub, xəsarət alanların sayı isə 170-dən çoxdur.
AZƏRTAC xarici KİV-lərə istinadla xəbər verir ki, təbii fəlakət nəticəsində Kuba paytaxtında bir çox binalara ziyan dəyib, şəhərin elektrik təchizatında fasilələr yaranıb. Ölkənin sahil bölgələrində isə leysan yağışları daşqınlara səbəb olub.
Kuba Prezidenti Miquel Dias Kanel Bermudes “Twitter”dəki səhifəsində təbii fəlakət nəticəsində 3 nəfərin öldüyünü, 172 nəfərin xəsarət aldığını yazıb.
Bölmənin digər xəbərləri
