Hindistanda təbii fəlakət nəticəsində ölənlərin sayı 127 nəfərə çatıb
Bakı, 4 may, AZƏRTAC
Hindistanın şimal rayonlarını cənginə alan qum fırtınası və leysan yağışları səbəbindən həyatını itirən insanların sayı 127 nəfərə çatıb.
AZƏRTAC “Times of India” qəzetinə istinadla xəbər verir ki, ölüm faktlarının əksəriyyəti Uttar-Pradeş ştatında qeydə alınıb - 73 nəfər. Təbii fəlakət nəticəsində təkcə Aqra şəhərində 46 nəfərin həlak olduğu bildirilir. Həmçinin 39 nəfər qonşu Racastan vilayətində həyatını itirib.
Ölkənin meteorologiya xidmətinin məlumatına əsasən, yaxın sutka ərzində təbii fəlakətdən əziyyət çəkən rayonlarda hava şəraitinin yaxşılaşması gözlənilmir. Əksinə, ölkənin bu hissəsinin yenidən leysan yağışlarının təsirinə məruz qalacağı proqnozlaşdırılır. Hökumət həlak olanların sayının artacağından ehtiyatlanır.
Bölmənin digər xəbərləri
