Bakı, 28 dekabr (AZƏRTAC). Hindistanın NDTV telekanalının saytında verilən məlumata görə, dekabrın 28-də səhər Hindistanın Cənubunda sərnişin qatarının vaqonlarından birində yanğın baş vermişdir. İlkin məlumata görə yanğın nəticəsində azı 23 nəfər həlak olmuş, 9 adam yaralanmışdır.

Yanğın Hindistanın Andxra-Pradeş ştatı ərazisində, Nanbed şəhərindən Banqalor şəhərinə gedən sürət qatarının vaqonunda baş vermişdir. Alovun cənginə aldığı vaqonda 72 nəfər olmuşdur. Sərnişinlərin çoxu yanğından xilas olmaq üçün vaqonun pəncərələrindən tullanmışdır.