DÜNYA


“iPhone 8” smartfonunun təqdimatı təxirə salınıb

Bakı, 21 iyul, AZƏRTAC

“Apple” şirkəti istifadəçilərin səbirsizliklə gözlədiyi yeni “iPhone 8” smartfon modelinin təqdimatını oktyabradək təxirə salıb.

AZƏRTAC xəbər verir ki, məlumata görə, buna səbəb kimi smartfonun hazırlanmasında proqram təminatının simsiz enerjidoldurmaya uyğun gəlməməsi ilə əlaqədar yaranan nasazlıqlar göstərilir. Şirkətin bir aylıq təxirə salma müddətinin modernləşdirmə və nasazlıqların aradan qaldırılması işlərinə sərf edəcəyi ehtimal olunur.

Bildirilir ki, bundan əvvəl yeni qurğunun avqustda ənənəvi təqdimatda nümayiş olunacağı planlaşdırılsa da, “iPhone 8” əvəzinə, “iPhone SE” modelinin nümayişi gözlənilir.

Ekspertlərin “iPhone 8” smartfonunun ümumiyyətlə buraxılmayacağını proqnozlaşdırmalarına baxmayaraq, “iPhone SE” modelinin dünyada, xüsusilə Hindistan bazarında populyarlıq qazanacağına böyük ümidlər bəslənilir.

“iPhone SE” smartfonunda edilən dəyişikliklər arasında yaddaş tutumunun artırılması, eləcə də qiymətinin ucuzlaşdırılması qeyd olunur. Qurğunun əvvəlki qiyməti 489 avro nəzərdə tutulsa da, hazırda 399 avroya endirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.