ICAPP-ın Baş katibi: Təhlükəsizlik istənilən siyasi partiya və hökumət üçün vacib rol oynayır
Bakı, 22 noyabr, AZƏRTAC
Yeni Azərbaycan Partiyasının bugünkü “Təhlükəsizlik və əməkdaşlıq: Siyasi partiyaların rolu” mövzusunda keçirilmiş xüsusi konfransı möhtəşəm təşkil olunub.
Bunu AZƏRTAC-a məxsusi açıqlamasında Asiya Siyasi Partiyalar Beynəlxalq Konfransının (ICAPP) Baş katibi Cho Byunq-jae söyləyib.
O bildirib ki, konfrans iştirakçıları ötən gün Fəxri və Şəhidlər xiyabanlarını ziyarət ediblər.
Baş katib qeyd edib ki, heç bir ölkə öz torpağı üçün qurban vermədən inkişaf edə bilməz.
“Bu gün bizim təhlükəsizlik və əməkdaşlıq mövzusunda konfransımız keçirildi. Təhlükəsizlik istənilən siyasi partiya və hökumət üçün vacib rol oynayır. Siyasi partiyalar arasındakı əməkdaşlıqla təhlükəsizliyin təmin olunması çox önəmlidir.
Biz Azərbaycan Prezidenti, Ermənistanın baş naziri və Rusiya Prezidenti arasındakı sülh razılaşmasını yüksək qiymətləndiririk”, - deyə ICAPP-ın Baş katibi vurğulayıb.
Bölmənin digər xəbərləri
