İdxal olunan portağal məhsulunda zərərli orqanizm aşkarlanıb
Bakı, 15 may, AZƏRTAC
Qida Təhlükəsizliyi Agentliyi ölkəyə idxal olunan qida məhsullarına nəzarət tədbirlərini davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, idxalatçı şirkət “Amotrade” MMC-nin müraciəti əsasında götürülmüş nümunələrin müayinələri nəticəsində Türkiyədən idxal olunan 15 min 150 kiloqram portağal məhsulunda karantin tətbiq olunan zərərli orqanizm - “Sitrus tristeza virusu” aşkarlanıb.
Faktla bağlı qanunvericiliyə uyğun olaraq, zərərli orqanizmlə sirayətlənmiş məhsul partiyası barədə qida təhlükəsizliyi sertifikatının verilməsindən imtina edilməsi və təhlükəli malların gömrük ərazisinin hüdudlarından kənarlaşdırılması və ya məhv edilməsi barədə qərar qəbul edilib. Verilmiş qərara əsasən, “Təhlükəli tullantılar” MMC-yə məxsus poliqonda məhvetmə tədbiri həyata keçirilib.
Bölmənin digər xəbərləri
