İki Müqəddəs Məscidin xadimi Səudiyyə Ərəbistanının Kralı Misiri sarsıtmağa çalışanların əməllərini pisləmişdir
Bakı, 20 avqust (AZƏRTAC). İki Müqəddəs Məscidin xadimi Səudiyyə Ərəbistanının Kralı Abdulla bin Əbdüləziz Al Səudun Misir Ərəb Respublikasında baş verən hadisələrlə bağlı bəyanatı yayılmışdır.
Səudiyyə Ərəbistanı Krallığının Azərbaycan Respublikasındakı səfirliyindən AZƏRTAC-a göndərilmiş bəyanatda deyilir: Misir Ərəb Respublikasında baş verənləri böyük kədərlə izlədik. Bu hadisələr Misirin sabitlik və əmin-amanlığını istəməyən bütün düşmənləri sevindirir, eyni zamanda, Misiri sevən və onun sabitliyi və birliyi üçün çalışanları kədərləndirir. Misirin birlik və sabitliyini pozmaq istəyən qüvvələr onlara uyan nadan və ya qərəzli şəxslər vasitəsilə buna uğursuz cəhdlər edirlər.
Kral daha sonra dünya müsəlmanlarını, şöhrətli alimləri, mütəfəkkirləri, ağıl, bilik və qələm sahiblərini ərəb tarixində öncül yerə malik olan bu ölkəni sarsıtmağa çalışanları pisləməyə çağırmışdır.
Bəyanatda, həmçinin Səudiyyə Ərəbistanı Krallığı xalqının və hökumətinin həmişə terrora, fitnə-fəsada qarşı olduğu bildirilir və belə bir ümid ifadə edilir ki, Misir xalqı bu vəziyyətdən çıxmaq üçün özündə qüvvə tapacaqdır.
Bölmənin digər xəbərləri
