İki rayon üzrə müəllim və valideynlərin müraciətləri dinlənilib
Bakı, 27 aprel, AZƏRTAC
Aprelin 27-də Bakıdakı 45 nömrəli tam orta məktəbdə paytaxtın Nərimanov və Nizami rayonları üzrə müəllim və valideynlərin növbəti səyyar qəbulu keçirilib.
Bakı Şəhəri üzrə Təhsil İdarəsindən (BŞTİ) AZƏRTAC-a bildiriblər ki, səyyar qəbula gələn vətəndaşlar tədrisin daha səmərəli təşkili, məktəblərin təmiri, maddi-texniki təminatı, əlavə korpusun inşası, elektron lövhələrin sayının artırılması və digər müvafiq məsələlərlə bağlı müraciət ediblər.
Vətəndaşlar tərəfindən qaldırılan bütün məsələlər qeydiyyata alınıb. Bir sıra müraciətlər yerindəcə həllini tapıb, digər məsələlərin həlli ilə bağlı müvafiq tədbirlərin icrasına başlanılıb.
BŞTİ-nin rəhbərliyi və struktur bölmə əməkdaşlarının iştirak etdikləri səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə daha sağlam və yaradıcı mühitin təmin olunması üçün sistemli iş aparılması məqsədlərinə xidmət göstərir.
Bölmənin digər xəbərləri
