İl ərzində şərqşünas alimlərin 56 məqaləsi xaricdə nəşr edilib
Bakı, 10 dekabr, AZƏRTAC
AMEA-nın akademik Ziya Bünyadov adına Şərqşünaslıq İnstitutunun əməkdaşları tərəfindən 2022-ci ildə “Şərq ölkələrinin ictimai, iqtisadi, mədəni-tarixi inkişafı və Azərbaycanla əlaqələri” istiqaməti üzrə araşdırmalar aparılıb və elmi-tədqiqat planında nəzərdə tutulmuş bütün işlər yerinə yetirilib.
Bu barədə AZƏRTAC-a institutdan bildirilib. Qeyd edilib ki, plan üzrə icra olunan 100 elmi-tədqiqat işindən 57-si bu il başa çatıb, digərlərinin 2022-ci il üçün nəzərdə tutulan hissəsi yerinə yetirilib.
Tədqiqat işləri 1 elmi istiqamət, 5 problem çərçivəsində aparılıb. Vurğulanıb ki, il ərzində institutda 23 kitab, monoqrafiya və məqalələr toplusu çap olunub, 6 kitab isə hazırda çapdadır. İnstitut əməkdaşlarının 400-dən artıq məqalə, məruzə və tezisi çap olunub. Bunlardan 56 elmi məqalə xaricdə nəşr edilib. Hesabat ili ərzində institut əməkdaşları xaricdə və Azərbaycanda 174 beynəlxalq elmi konfransda məruzə ediblər.
Bölmənin digər xəbərləri
