İlham Bayramov: Su infrastrukturunda baş verən qəzaya dərhal reaksiya verib, su təminatını bərpa etmək zəruridir
Bakı, 30 sentyabr, AZƏRTAC
Su infrastrukturunda baş verən hər hansı bir qəzaya dərhal reaksiya verib, su təminatını bərpa etmək və itkinin qarşısını almaq zəruridir.
AZƏRTAC xəbər verir ki, bu sözləri Azərbaycan Dövlət Su Ehtiyatları Agentliyinin (ADSEA) sədr müavini İlham Bayramov “Bakı KOB Evi”ndə sahibkarlarla keçirdiyi görüş zamanı deyib.
“Qəzalar dünyanın hər yerində baş verir. Əsas məsələ onların dərhal aradan qaldırılmasıdır. Çünki yeraltı su şəbəkələrinin uzun illər boyu istismarı zədələnmələrə səbəb olur və müəyyən problemlərin yaranmasına gətirib çıxarır. Su təchizatı ilə yanaşı, tullantı sularının utilizasiyası da diqqətdə saxlanılır. Bu istiqamətdə görülən tədbirlər həm ətraf mühitin qorunmasına, həm də insanların sağlamlığının təmin olunmasına xidmət edir. Əhalinin suya əlçatanlığı ölkənin birbaşa iqtisadi inkişafı ilə bağlıdır. Bakı şəhərində və digər bölgələrdə suyun fasiləsiz təminatı daim nəzarətdə saxlanılır. Mövcud çətinliklər olsa da, onların aradan qaldırılması istiqamətində işlər görülür, tədbirlər həyata keçirilir”, - deyə İlham Bayramov vurğulayıb.
Bölmənin digər xəbərləri
