İLİN AXIRINADƏK BÜTÜN MEHMANXANALAR LİSENZİYALAŞDIRILACAQ
Bu ilin birinci yarısında Azərbaycana ötən illə müqayisədə 11,9 faiz çox turist gəlmişdir. AZƏRTAC xəbər verir ki, bunu mədəniyyət və turizm naziri Əbülfəs Qarayev jurnalistlərlə görüşündə bildirmişdir.
Ə.Qarayev demişdir ki, 2003-2004-cü illərdə turizm sektorunda 20-22 faiz artım müşahidə olunmuş, lakin sonra bu göstərici 4-5 faiz azalmışdır. Nazir ilin birinci yarısının göstəricilərini Rusiya, Türkiyə, İran, Gürcüstan, Böyük Britaniya, Ukrayna, Qazaxıstan, Almaniya və sair ölkələrdən turistlərin axını ilə bağlamışdır.
Mehmanxanaların lisenziyalaşdırılması məsələsinə gəldikdə isə, nazirliyə 70-dək müraciət daxil olmuş, 60 mehmanxananın işləməsinə icazə verilmişdir. Ə.Qarayev demişdir ki, ilin axırınadək ölkədəki bütün mehmanxanalar lisenziyalaşdırılacaqdır.
Bölmənin digər xəbərləri
