İlk milli Konstitusiyanın qəbulu Azərbaycanda dövlət quruculuğu tarixində yeni səhifə açıb
Ucar, 11 noyabr, AZƏRTAC
Azərbaycan Respublikasının Əsas Qanunu olan ilk milli Konstitusiyamız vətəndaşların hüquq və azadlıqlarını, demokratik, hüquqi, dünyəvi dövlət quruculuğunu, milli mənəvi dəyərlərimizi təsbit edən hüquqi sənəddir. Bu tarixi sənəd ulu öndər Heydər Əliyevin Azərbaycan dövlətinə və xalqına xidmətinin heç vaxt unudulmayan nümunəsidir.
AZƏRTAC xəbər verir ki, bu fikirlər Ucarda 12 noyabr - Konstitusiya Gününə həsr olunan “dəyirmi masa”da səsləndirilib.
Heydər Əliyev Mərkəzində keçirilən tədbirdə rayon icra hakimiyyətinin, hüquq mühafizə orqanlarının, idarə, müəssisə və təşkilatların rəhbərləri, ziyalılar, ictimaiyyət nümayəndələri iştirak ediblər.
Tədbirdə Azərbaycanın dövlət himni səsləndirilib.
İcra hakimiyyəti başçısının birinci müavini Əliş Cəbrayılovun, Şahlıq kənd tam orta məktəbin tarix müəllimi Elvin Abdulovun və başqalarının çıxışlarında Konstitusiyanın yaranma tarixindən, inkişaf mərhələlərindən, Əsas Qanunda təsbit olunan insan hüquq və azadlıqlarından ətraflı danışılıb. Vurğulanıb ki, 1995-ci il noyabrın 12-də Əsas Qanunun qəbulu ölkədə təkcə yeni hüquqi bazanın yaradılması deyil, həm də Azərbaycanın müstəqil dövlət quruculuğu tarixində keyfiyyətcə yeni səhifənin açılması idi.
Bölmənin digər xəbərləri
