İndoneziyada daşqınlar nəticəsində on nəfər həlak olub
Tokio, 28 aprel, AZƏRTAC
İndoneziyanın Benkulu əyalətində baş verən daşqınlar nəticəsində 10 nəfər həlak olub, 8 nəfər isə itkin düşüb.
AZƏRTAC xəbər verir ki, bu barədə aprelin 28-də Antara agentliyi məlumat yayıb.
Məlumatda qeyd olunub ki, aprelin 26-da yağan güclü yağışlar səbəbindən bir neçə çayın daşması nəticəsində ətraf rayonları su basıb. Daşqınlar nəticəsində torpaq sürüşmələri də baş verib ki, bu da Benkulu əyalətinin həm rayonları arasında, həm də digər əyalətlərlə əlaqəsinin kəsilməsinə səbəb olub.
Benkulu əyalətinin qubernatoru Ruhidin Mersyah bəyan edib ki, hazırda xilasedicilər daşqınların ziyan vurduğu ərazidə əhalinin təxliyəsini həyata keçirirlər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
