COP29
İndoneziyalı nümayəndə: COP29 inkişaf etməkdə olan ölkələrin iqlim dəyişikliyi ilə mübarizəsinə müsbət təsir göstərəcək
Bakı, 13 noyabr, AZƏRTAC
COP29-da aparılan müzakirələr inkişaf etməkdə olan ölkələrin iqlim dəyişikliyi ilə mübarizəsinə müsbət təsir göstərəcək.
Bu sözləri AZƏRTAC-a müsahibəsində İndoneziya Respublikasının Ətraf Mühit Siyasəti Nazirliyinin nümayəndəsi Krisdianto Sugiyanto deyib.
O deyib: “Biz İndoneziya hökuməti olaraq bu dəyişikliklərlə mübarizədə ciddi addımlar atmaq üçün səylə çalışırıq. Düşünürəm ki, bu qlobal problemin öhdəsindən gəlmək üçün həm inkişaf etmiş ölkələr, həm də inkişaf etməkdə olan ölkələr birlikdə çalışmalıdır”.
