İNKİŞAF ETMƏKDƏ OLAN ÖLKƏLƏRİN İNFRASTRUKTURUNA YARDIM
AZƏRTAC xəbər verir ki, Niderlandın özəl şirkətləri inkişaf etməkdə olan ölkələrin infrastrukturunun yaxşılaşdırılmasına getdikcə daha çox diqqət yetirirlər.
İnkişaf etməkdə olan ölkələrin infrastrukturunun yaxşılaşdırılması planının gerçəkləşdirilməsi üçün Hollandiya hökuməti yeni layihə işləyib hazırlamışdır. İllik büdcədən layihə üçün 120 milyon avro məbləğində vəsait ayrılmışdır. Bu vəsaitin yarısı daha çox ehtiyacı olan ölkələr üçün nəzərdə tutulmuşdur.
Layihədə xalqın güzəranının yaxşılaşdırılması üçün su təchizatı sisteminin, səhiyyə, nəqliyyat və energetika sahələrinin inkişaf etdirilməsi nəzərdə tutulmuşdur. Hollandiya mütəxəssisləri inkişaf etməkdə olan ölkələrin ehtiyaclarını nəzərə alaraq novator təşəbbüslər irəli sürmüşlər. Bu layihənin həyata keçirilməsində orta və kiçik biznes xüsusi rol oynayır.
Rəqabətqabiliyyətliliyi və xalqlarının rifah halı artan Hindistan və Çin bu namizədlər arasına daxil edilməyiblər. Layihənin əvəzində Hollandiya İqtisadiyyat Nazirliyi bu ölkələr üçün dövlət büdcəsindən 20 milyon avro ayıracaqdır.
2009-cu ildən həyata keçiriləcək proqramın layihəsinə Filippin, Tailand, Peru, Mərakeş, Serbiya, Çernoqoriya kimi inkişaf etməkdə olan ölkələr daxil edilmişdir.
Amsterdam
Bölmənin digər xəbərləri
