İORDANİYA KRALI II ABDULLA TÜRKİYƏDƏ YAXIN ŞƏRQDƏKİ VƏZİYYƏTİ MÜZAKİRƏ EDƏCƏK
AZƏRTAC xəbər verir ki, Türkiyə Prezidenti Abdullah Gülün dəvəti ilə dekabrın 11-də bu ölkəyə birgünlük səfərə gələcək İordaniya kralı II Abdulla Yaxın Şərqdəki vəziyyəti və ikitərəfli münasibətləri müzakirə edəcəkdir.
Onun Prezident Abdullah Güllə və Baş nazir Rəcəb Tayyib Ərdoğanla danışıqlarında noyabrın axırında ABŞ-ın Annapolis şəhərində Yaxın Şərqə dair keçirilən görüşdə əldə olunmuş razılaşmalar çərçivəsində Fələstin-İsrail münaqişəsinin sülh yolu ilə həlli məsələlərinə toxunulacaqdır.
Tərəflər İraqdakı vəziyyəti və ikitərəfli ticari-iqtisadi əməkdaşlıq məsələlərini də müzakirə edəcəklər.
Bölmənin digər xəbərləri
