İRAN VƏTƏNDAŞI 10 KİLOQRAMDAN ÇOX TİRYƏKİ SATARKƏN TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Mütəşəkkil Cinayətkarlıqla Mübarizə Baş İdarəsi əməkdaşlarının keçirdikləri əməliyyat tədbirləri nəticəsində İran İslam Respublikasının vətəndaşı Güli Gülməhəmməd Nurməhəmməd oğlu qaçaqmalçılıq yolu ilə Bakıya gətirdiyi 10,5 kiloqram tiryəki 36 min dollara satarkən tutulmuşdur.
Şirvan Şəhər Polis Şöbəsinin əməkdaşları isə şəhər sakini Maarif Ələkbərovu 0,222 qram heroini həmyerlisi, əvvəllər məhkum olunmuş İlham Heybətova satarkən yaxalamışlar.
Faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
