“İrəli” İctimai Birliyi “Gənclik Veloyürüşü” keçirəcək
Bakı, 28 yanvar, AZƏRTAC
2 Fevral - Gənclər Günü münasibətilə “İrəli” İctimai Birliyi, Azərbaycan Gənclər Fondu, Azərbaycan Velosiped İdmanı Federasiyasının (AzVİF) təşkilatçılığı, Heydər Əliyev Mərkəzi, “Böyük İpək Yolu” Beynəlxalq Gənclər Birliyi, Dənizkənarı Bulvar İdarəsi və Respublika Olimpiya Velosiped Məktəbinin tərəfdaşlığı ilə Bakıda ənənəvi “Gənclik veloyürüşü” keçiriləcək.
“İrəli” İctimai Birliyindən AZƏRTAC-a bildiriblər ki, yürüş fevralın 3-də “Azneft” dairəsindən start götürəcək və Heydər Əliyev Mərkəzində başa çatacaq.
Veloyürüşün keçirilməsində məqsəd gənclərdə sağlam həyat tərzinin formalaşması, velosiped mədəniyyətinin təbliği və gənclərin asudə vaxtının səmərəli təşkilindən ibarətdir.
Bölmənin digər xəbərləri
