İşğaldan azad edilmiş ərazilərdə Türk dövlətlərində fəaliyyət göstərən QHT-lərin birgə forumu keçiriləcək
Bakı, 18 mart, AZƏRTAC
İlin sonunda işğaldan azad edilmiş ərazilərdə Türk dövlətlərində fəaliyyət göstərən vətəndaş cəmiyyəti təsisatlarının birgə forumunun keçirilməsi nəzərdə tutulur.
AZƏRTAC xəbər verir ki, bu barədə jurnalistlərə açıqlamasında Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva söyləyib.
O bildirib ki, dövlətimizin başçısının dediyi kimi “Bizim başqa ailəmiz yoxdur, ailəmiz Türk dünyasıdır”. “Bu ailə çərçivəsində vətəndaş cəmiyyəti nümayəndələri ilə əlaqələrin genişləndirilməsi QHT-lərə Dövlət Dəstəyi Agentliyinin prioritetlərindən biridir. Əminəm ki, bugünkü forum da bu prioritetlərə xidmət edəcək”, - deyə Aygün Əliyeva bildirib.
Bölmənin digər xəbərləri
