İstehlak bazarında aşkar olunmuş yararsız məhsullar məhv edilmişdir
Bakı, 28 avqust (AZƏRTAC). İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti monitorinqlər keçirmişdir.
Nazirliyin mətbuat xidmətindən AZƏRTAC-a bildirmişlər ki, monitorinqlər zamanı Qaradağ, Nizami, Xətai, Abşeronda, eləcə də Sumqayıt, Göyçay, Qusar, Mingəçevirdə saxlama müddəti ötmüş, normativ-texniki sənədlərin tələblərinə uyğun olmayan malların satıldığı, habelə satışdakı malların qiymət kağızlarının düzgün tərtib edilmədiyi müəyyənləşdirilmişdir.
Ümumilikdə, monitorinqlər zamanı 320 kiloqrama yaxın ərzaq malları aşkar olunmuş, satışdan çıxarılaraq məhv edilmişdir.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq ediləcəkdir.
Bölmənin digər xəbərləri
