İYULDA ƏHALİ İSTEHLAKÇI QRUPU ÜZRƏ ELEKTRİK ENERJİSİNİN DƏYƏRİ 89,8 FAİZ ÖDƏNİLMİŞDİR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, iyulda RET-lər üzrə ümumilikdə ödəniş 89,1 faiz, məişət abonenti (əhali) istehlakçı qrupu üzrə ödəniş isə 89,8 faiz olmuşdur. Daha yüksək göstəricilərin əldə olunması üçün təxirəsalınmaz tədbirlər həyata keçirilir.
Sayğac-uçot kompleksinə nəzarətin gücləndirilməsi, istehlakçıların elektrik enerjisindən təyinatı üzrə istifadə etməsi, aparılan təbliğat işinin nəticəsində iyulda Mingəçevir şəhərində, Ağsu, Ucar, Tərtər, Qazax və Zərdab rayonlarında əhali istehlakçı qrupu üzrə elektrik enerjisi haqlarının yığımı 100 faiz, Daşkəsəndə 100 faizə yaxın, Şəmkir, Ağstafa, İmişli və Qəbələ rayonlarında 95 faiz, Əli Bayramlı şəhərində, Göyçay, Beyləqan, Ağdaş, Tovuz və Ağcabədi rayonlarında isə 90 faizdən artıq olmuşdur.
Bölmənin digər xəbərləri
