JURNALİSTLƏR ARASINDA EKOLOJİ MÖVZUDA KEÇİRİLƏN MÜSABİQƏNİN QALİBLƏRİ ÜÇÜN “JURNALİSTLƏRİN YAY MƏKTƏBİ” KEÇİRİLƏCƏKDİR
Bakı, 21 iyul (AZƏRTAC). “EKO -2010” Gənclər Koalisiyasının təşkilatçılığı ilə Milli Mətbuat Günü ilə əlaqədar jurnalistlər arasında keçirilmiş ekoloji mövzuda müsabiqənin qalibləri “Jurnalistlərin yay məktəbi”ndə iştirak edəcəklər.
Bu haqda iyulun 21-də keçirilən mətbuat konfransında məlumat verilmişdir.
Koalisiyanın koordinatoru Ramiz Alıyev bildirmişdir ki, “Yaşıl turizm hədəfimizdir” adlı layihə çərçivəsində həyata keçiriləcək yay məktəbinin iştirakçıları iyulun 26-dan 3 gün müddətində Xaçmaz rayonu Nabran qəsəbəsində həmin regionda ekologiyanın qorunması sahəsində görülmüş işlərlə yaxından tanış olacaqlar.
Eyni zamanda, müsabiqədə qalib gəlmiş jurnalistlərin mükafatlandırılma mərasiminin keçirilməsi planlaşdırılır.
######
Bölmənin digər xəbərləri
