Bakı, 19 aprel, AZƏRTAC

Bu gün səhər saatlarında Əfqanıstanın paytaxtı Kabildə baş verən partlayışlar nəticəsində həlak olanların sayı 25 nəfərə çatıb.

AZƏRTAC Aamaj News informasiya agentliyinə istinadla xəbər verir ki, ölüm hallarının çoxu paytaxtın qərbində yerləşən Əbdül Rəhim adına məktəbdə iki ardıcıl partlayış zamanı qeydə alınıb.

“Taliban” hərəkatının formalaşdırdığı təhlükəsizlik idarəsinin nümayəndəsi Xalid Zardan şəhərin qərbində yerləşən təhsil müəssisələrində üç partlayışın baş verdiyini bildirilib.

Kabul News telekanalının şahidlərə istinadla yaydığı məlumata görə, paytaxtdakı partlayışlarda azı 20 məktəbli həlak olub və ya yaralanıb.