Kişineu beynəlxalq aeroportunda bir sıra reyslər təxirə salınıb
Kişineu, 28 yanvar, AZƏRTAC
Qatı duman səbəbindən Kişineu beynəlxalq aeroportunda bir sıra reyslər təxirə salınıb, bəzilərində isə gecikmələr olub.
AZƏRTAC xəbər verir ki, İstanbul, Minsk aviareyslərinin uçuş cədvəllərində dəyişikliklər olub. Buxarest və Cenevrədən gələn təyyarələrin uçuşu təxirə salınıb.
Qeyd edək ki, Kişineuda hökm sürən qatı duman səbəbindən yanvarın 27-si axşam saatlarından aeroport normal rejimdə fəaliyyət göstərə bilmir.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
