KOBİA sədri: Türk dövlətləri arasında iqtisadi əlaqələrin inkişafında ticarət platformaları mühüm rol oynayır
Bakı, 25 aprel, AZƏRTAC
Bu gün türk dövlətləri arasında iqtisadi əməkdaşlıq yüksələn xətlə inkişaf edir, ölkələrimizin sıx iqtisadi münasibətləri var.
AZƏRTAC xəbər verir ki, bu sözləri Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Türk Ticarət Mərkəzində keçirilən Qazaxıstan, Qırğızıstan, Türkmənistan, Türkiyə və Özbəkistanın ticarət pavilyonlarının açılış mərasimində deyib.
Onun sözlərinə görə, dövlət başçılarının yorulmaz fəaliyyəti nəticəsində türk dövlətləri inkişaf edir.
“Türk dövlətləri arasında iqtisadi əlaqələrin inkişafında ticarət platformaları mühüm rol oynayır. Burada fəaliyyət göstərən pavilyonlar türk dövlətləri arasında ticarət əlaqələrinin inkişafına kömək edəcək, ticarət dövriyyəsinin artmasında öz rolunu oynayacaq”, - deyə Orxan Məmmədov vurğulayıb.
İdarə Heyətinin sədri ticarət pavilyonlarının fəaliyyətinin yalnız ticarətin inkişafı baxımından deyil, həmçinin türk dünyasının iqtisadi inteqrasiyası, əməkdaşlıq ruhunun gücləndirilməsi və ortaq gələcək naminə əhəmiyyətli bir addım olduğunu diqqətə çatdırıb.
Bölmənin digər xəbərləri
