Kompyuter alanlara “Datakart”, “Azercell” nömrəsi və 500 MB pulsuz internet verilir
Bakı, 24 sentyabr (AZƏRTAC). “Azercell Telekom” MMC-nin “NLT Telekom”la birgə keçirdiyi kampaniyaya dəyişiklik edilmişdir.
Şirkətdən AZƏRTAC-a bildirmişlər ki, bu il martın 10-dan etibarən keçirilən kampaniya çərçivəsində “NLT Telekom” şirkətindən portativ kompyuter (noutbuk, netbook) əldə etmiş abonentə əlavə olaraq “Datakart”, fakturalı xətt nömrəsi və 300 MB həcmdə GPRS data trafikindən pulsuz istifadə imkanı verilmişdi.
İndi isə kampaniyanın şərtləri daha sərfəli olmuşdur. “NLT Telekom”dan kompyuter alan tələbəyə “Datakart” və nömrə ilə yanaşı, hər faktura dövrü üzrə pulsuz 500 MB həcmdə GPRS data trafiki (ümumilikdə 12 faktura dövrü üçün) hədiyyə olunur.
Əgər abonent hər faktura dövründə hədiyyə verilən 500 MB-lıq GPRS data trafikindən artıq işlədərsə, onda istifadə olunan hər 1 MB üçün 3 qəpik məbləğində xidmət haqqı tətbiq edilir.
Bu kampaniyada 249 63 00 - 249 72 99 nömrələri iştirak edir.
Bölmənin digər xəbərləri
