KOREYA-AZƏRBAYCAN BİZNES FORUMU
AZƏRTAC xəbər verir ki, mayın 19-da “Hyatt Regency” mehmanxanasında Koreya-Azərbaycan biznes forumu keçirilmişdir.
Azərbaycanda İxracın və İnvestisiyaların Təşviqi Fondu (AZPROMO) Müşahidə Şurasının sədri, Milli Məclisin deputatı Çingiz Əsədullayev tədbiri açaraq əmin olduğunu bildirmişdir ki, forum ölkələrimiz arasında işgüzar münasibətlərin inkişafına öz töhfəsini verəcəkdir. Şura sədri qeyd etmişdir ki, son illər Azərbaycan Respublikası ilə Koreya Respublikası arasında iqtisadi və siyasi münasibətlər sürətlə inkişaf etmiş, hər iki ölkəni sabit iqtisadi tərəfdaşa çevirmişdir.
Koreyanın bilik iqtisadiyyatı nazirinin müavini Li Ce Hun, Azərbaycan Respublikası iqtisadi inkişaf nazirinin müavini Niyazi Səfərov, Koreya Respublikası Ticarət və Sənaye Palatasının prezidenti Kim Sanq-Yeol iştirakçıları salamlamışlar.
“Korea Investment & Sekurites Co. Ltd” şirkətinin vitse-prezidenti Sunq Hyu-Kuk “Azərbaycan üçün investisiya strategiyası” mövzusunda məruzə etmiş, AZPROMO-nun prezidenti Emil Məcidov Azərbaycanda biznes mühiti, investisiya imkanları, Koreya Enerji İqtisadiyyatı İnstitutunun icraçı direktoru Ryu Ji Çul ölkələrimiz arasında enerji sahəsində əməkdaşlıq haqqında məlumat vermişlər.
Biznes forum dialoqla davam etmiş, iş adamları arasında ikitərəfli görüşlər keçirilmişdir.
######
 |
 |
Bölmənin digər xəbərləri
