Latviya nümayəndəsi “Eurovision-2019” müsabiqəsinin ikinci yarımfinalında çıxış edəcək
Riqa, 29 yanvar, AZƏRTAC
Latviya milli “Eurovision” müsabiqəsinin mətbuat katibinin AZƏRTAC-a verdiyi məlumata görə, “Eurovision-2019” müsabiqəsinin bu ilin baharında Təl-Əvivdə keçiriləcək ikinci yarımfinalında Latviya da iştirak edəcək.
“Supernova 2019” adlı milli müsabiqə hələ davam edir. Ona görə də “Eurovision-2019” müsabiqəsində Latviyanı təmsil edəcək mahnı və ifaçı hələ məlum deyil.
Mayın 16-da keçiriləcək ikinci yarımfinalda Latviyanın rəqibləri Azərbaycan, İsveçrə, İsveç, İrlandiya, Avstriya, Moldova, Rumıniya, Danimarka, Ermənistan, Albaniya, Makedoniya, Norveç, Rusiya, Niderland, Xorvatiya, Litva və Malta olacaq.
Birinci yarımfinal mayın 14-də keçiriləcək.
Aygün Əliyeva
AZƏRTAC -ın xüsusi müxbiri
Riqa
Bölmənin digər xəbərləri
