Paris, 28 dekabr (AZƏRTAC). Əhalisi 2 milyondan ibarət Latviya yanvarın 1-dən avro pul vahidinə keçəcəkdir. Avrodan istifadəyə başlayacaq Latviya Avropa İttifaqının 18-ci və keçmiş kommunist rejimli Sloveniya, Slovakiya və Estoniyadan sonra dördüncü ölkəsidir.

2004-cü ildən Avropa İttifaqının üzvü olan Latviyada cari ildə daxili məhsul istehsalı 4 faiz artmışdır.

Avro pul vahidinə keçidlə əlaqədar ölkədə keçirilən rəy sorğusunun iştirakçılarının 20 faizi yeni pul vahidinin işlənməsinin tərəfdarı, 58 faiz isə onun əleyhinə olduqlarını bəyan etmişdir.

Latviyanın maliyyə naziri avronun ölkə üçün heç bir problem yaratmayacağına əminliyini bildirmişdir.

Əsgər Əliyev,

AZƏRTAC-ın xüsusi müxbiri

Paris