LƏNKƏRAN TÜRK LİSEYİNDƏ MƏZUN GÜNÜ KEÇİRİLMİŞDİR
AZƏRTAC xəbər verir ki, mayın 23-də Lənkəran Türk Liseyində məzun günü keçirilmişdir.
Tədbir iştirakçıları əvvəlcə şəhərin Heydər Əliyev parkında ümummilli liderimizin abidəsinin önünə gül dəstələri düzmüş, böyük öndərin xatirəsini ehtiramla yad etmişlər.
Mərasimdə liseyin direktoru Abdulla Koral, Lənkəran Şəhər İcra Hakimiyyətinin başçısı Süleyman Mikayılov, Çağ Öyrətim İşlətmələri Şirkəti müdirinin müavini İrfan Uzundəmir, türkiyəli iş adamı Mahmud Ahıcqalı və rayon ictimaiyyətinin nümayəndələri çıxış edərək liseyin 15-ci buraxılışı münasibətilə pedaqoji kollektivi təbrik etmiş, bu il məktəbi bitirən 31 nəfər məzuna uğurlar arzulamışlar.
Lənkəran Şəhər İcra Hakimiyyətinin başçısı Süleyman Mikayılov məzunlara xatirə hədiyyələri təqdim etmişdir.
Bölmənin digər xəbərləri
