Lənkəranda möhtəşəm bayraq yürüşü
Lənkəran, 11 noyabr, Bağır Əliyev, AZƏRTAC
Lənkəran Dövlət Universitetinin (LDU) və Lənkəran Dövlət Humanitar Kollecinin professor, müəllim və tələbə heyəti Dövlət Bayrağı Günü münasibətilə yürüş təşkil edib.
AZƏRTAC xəbər verir ki, Lənkəran şəhərinin Heydər Əliyev prospektindən start götürən yürüş Bayraq meydanında başa çatıb. Güclü leysana baxmayaraq bayraq yürüşünə hər iki təhsil müəssisəsindən təqribən mindən çox iştirakçı qatılıb. Dörd kilometr məsafəni əhatə edən yürüşboyu vətənpərvərlik mövzusunda şüarlar səsləndirilib, Azərbaycanın üçrəngli bayrağı əzəmətlə dalğalandırılıb.
LDU-nun rektoru vəzifəsini icra edən professor Natiq İbrahimov dövlət bayrağının hər bir azərbaycanlının qürur mənbəyi olduğunu vurğulayıb. Bildirib ki, Azərbaycan Xalq Cümhuriyyətinin yadigarı olan bu bayraq milli kimliyimizi, mənliyimizi, azadlıq məfkurəsinə, milli dəyərlərə və ümumbəşəri ideallara sadiqliyimizi nümayiş etdirir.
N.İbrahimov Təhsil Nazirliyinin təşəbbüsü ilə ənənəvi olaraq keçirilən “Bayraq yürüşü”nün gənclərin milli dəyərlərə ehtiram, milli ideallara bağlılıq ruhunda tərbiyə olunması baxımından mühüm rol oynadığını vurğulayıb.
Bölmənin digər xəbərləri
