Bakı, 3 mart, AZƏRTAC

Martın 3-də Dini Qurumlarla İş üzrə Dövlət Komitəsinin (DQIDK) Lənkəran bölgəsi üzrə şöbəsi və Lerik Rayon Gənclər və İdman İdarəsinin birgə təşkilatçılığı ilə “Dini fanatizm, radikalizm və ekstremizmin mahiyyəti və təhlükələri” mövzusunda tədbir keçirilib.

AZƏRTAC komitənin saytına istinadla xəbər verir ki, tədbirdə çıxış edənlər mövzunun aktuallığından danışıblar. Gənclərin ayıq-sayıqlığının artırılmasının və müəyyən bilgilərə yiyələnmələrinin, eyni zamanda, onların radikalizmə qarşı mübarizədə fəal olmalarının vacibliyi vurğulanıb.

Natiqlər, həmçinin ölkəmizdə ictimai-siyasi və dini sabitliyin mövcud olduğunu diqqətə çatdırıblar.

Sonda tədbir iştirakçılarını maraqlandıran suallar cavablandırılıb.