Lisenziya tələb edən fəaliyyətlə məşğul olan müəssisə mənfəət vergisinin ödəyicisidir
Bakı, 30 aprel, AZƏRTAC
Hüquqi şəxs olaraq xidmət fəaliyyəti göstərən müəssisə lisenziya vasitəsilə sadələşdirilmiş vergiödəyicisi ola bilərmi?
Vergilər Nazirliyinin Media və kommunikasiya xidmətindən AZƏRTAC-ın sualına cavab olaraq bildirilib ki, Vergi Məcəlləsinin bu ilin yanvarından qüvvəyə minmiş müddəalarına əsasən, bina tikintisi fəaliyyəti ilə məşğul olan və icbari sığorta müqavilələri üzrə xidmət göstərən şəxslər istisna olmaqla, lisenziya tələb edilən fəaliyyət növü ilə məşğul olan şəxslər sadələşdirilmiş verginin ödəyicisi ola bilməzlər. Lisenziya tələb edən fəaliyyət növü ilə məşğul olan müəssisə mənfəət vergisinin ödəyicisi kimi fəaliyyət göstərməlidir.
Bölmənin digər xəbərləri
