COP29
Mavritaniya Etimad Fondunun əməkdaşı: Ümid edirik ki, Afrika COP29-dan maliyyə baxımından daha çox faydalanacaq
Bakı, 13 noyabr, AZƏRTAC
Ümid edirik ki, Afrika COP29-dan xüsusilə maliyyə baxımından daha çox faydalanacaq.
Bunu AZƏRTAC-a açıqlamasında Mavritaniya Etimad Fondunun əməkdaşı Oumar Ba söyləyib.
Afrikadakı iqlim dəyişikliyinin təsirinin aradan qaldırılması üçün daha çox həll yolu əldə etmək istədiklərini vurğulayan Oumar Ba, Mavritaniyanın iqlim dəyişikliyi ilə əlaqədar müxtəlif problemlərlə qarşı-qarşıya olduğunu deyib. "İqlim dəyişikliyi ilə mübarizədə əldə edə biləcəyimiz uğurlardan biri İqlim Fonduna daxil olmaqdır. Bu baxımdan COP29-dan gözləntimiz böyükdür", - deyə o bildirib.
