Məhəmməd Salah İngiltərə Premyer Liqasında mövsümün ən yaxşı futbolçusu seçilib
Bakı, 23 aprel, AZƏRTAC
“Liverpul” klubunun misirli hücumçusu Məhəmməd Salah İngiltərə Peşəkar Futbolçular Assosiasiyasının (PFA) versiyası üzrə Premyer Liqada cari mövsümün yekunlarına görə, ən yaxşı oyunçu seçilib.
AZƏRTAC xəbər verir ki, İngiltərə Premyer Liqasının cari mövsümündə 25 yaşlı hücumçu 33 oyuna 31 qol vurub və 9 məhsuldar ötürmə edib. Fəxri mükafata Kevin De Brüyne (“Mançester Siti”), David De Xea (“Mançester Yunayted”), Harri Keyn (“Tottenhem”), Leroy Sane (“Mançester Siti”) və David Silva (“Mançester Siti) da iddia ediblər.
Salah bu mükafatı alan dördüncü oyunçudur ki, bir mövsümə 31 qol vurub.
Bölmənin digər xəbərləri
