MƏKTƏBLƏRDƏ İNSAN ALVERİNƏ QARŞI MÜBARİZƏ MÖVZUSUNDA MAARİFLƏNDİRMƏ TƏDBİRLƏRİ KEÇİRİLİR
Bakı, 9 aprel (AZƏRTAC). Ombudsman Aparatının təşkilatçılığı ilə Bakının Nəsimi rayonundakı 292 nömrəli orta məktəbdə insan alverinə qarşı mübarizə mövzusunda treninq təşkil olunmuşdur.
Tədbirdə insan alverinə daha çox azyaşlı uşaqların, o cümlədən qadınların məruz qaldığı vurğulanmış, müvəkkilin çoxşaxəli fəaliyyətində insan alverinə qarşı mübarizənin mühüm yer tutduğu diqqətə çatdırılmışdır. Bu istiqamətdə müvafiq dövlət qurumlarının insan alverinə qarşı mübarizə üzrə strukturları ilə birlikdə tədbirlərin keçirildiyi, Bakıda və ölkəmizin regionlarında əhatəli maarifləndirmə işinin aparıldığı bildirilmişdir.
Ombudsman Aparatının nümayəndəsi Rəşid Rumzadə yuxarı sinif şagirdlərinə insan alveri sahəsində hüquq pozuntuları barədə məlumat vermiş, iştirakçıların suallarını cavablandırmışdır.
Bölmənin digər xəbərləri
