MƏŞƏDİ MƏHƏMMƏD BÜLBÜLÜN ŞEİRLƏR TOPLUSU NƏŞR ETDİRİLMİŞDİR
AZƏRTAC xəbər verir ki, Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu XIX əsr Qarabağ ədəbi mühitində özünəməxsus yeri olan şair Məşədi Məhəmməd Bülbülün şeirlər kitabını nəşr etdirmişdir.
Kitabda şairin əlyazmalarının fotofaksimilesi və farsca qələmə aldığı şeirlərin tərcüməsi verilmişdir.
Tərtibçi və şeirlərin tərcüməçisi dosent Raqub Kərimovun yazdığı ön sözdə xatırladılır ki, şair məşhur xanəndə Cabbar Qaryağdıoğlunun böyük qardaşıdır və ilk müəllimi olmuşdur.
Toplunun elmi redaktorları filologiya elmləri doktoru Möhsün Nağısoy və Ruqiyyə Nağıyevadır.
Bölmənin digər xəbərləri
