Metal tədarükü məntəqəsinə metal qırıntılarının təqdim edilməsinə görə sahibkarlar 2 faiz vergi ödəyirlər
Bakı, 28 mart, AZƏRTAC
Metal tədarükü məntəqəsinə qara və əlvan metal qırıntılarını təqdim edən və vergi orqanlarında qeydiyyatda olmayan fiziki şəxsin gəlirindən vergi tutulurmu?
Vergilər Nazirliyinin Media və kommunikasiya mərkəzindən AZƏRTAC-ın sualına cavab olaraq bildirilib ki, Vergi Məcəlləsinin cari ilin yanvarından qüvvəyə minmiş müddəalarına əsasən, vergiödəyicisi kimi vergi orqanında uçotda olmayan fiziki şəxslərə "Nağdsız hesablaşmalar haqqında" Azərbaycan Respublikası Qanununun 3.5-ci maddəsində göstərilən malların, o cümlədən əlvan və qara metal qırıntılarının təqdim edilməsinə görə ödəmələr verən hüquqi şəxslər və fərdi sahibkarlar ödəmə mənbəyində 2 faiz dərəcə ilə vergini dövlət büdcəsinə ödəyirlər.
Bölmənin digər xəbərləri
