“Microsoft” qeyri-kommersiya təşkilatlarına 1 milyard dollarlıq proqram təminatını ianə verəcək
Bakı, 21 yanvar, AZƏRTAC
“Microsoft Philanthropies” xeyriyyə təşkilatı “Microsoft Research” və “Business Development” bölmələrinin dəstəyi ilə növbəti üç il ərzində bütün dünya üzrə qeyri-kommersiya strukturları və tədqiqat universitetlərinə 1 milyard ABŞ dolları məbləğində bulud xidmətlərini ianə verəcək.
AZƏRTAC xəbər verir ki, bu barədə məlumat verən “Microsoft” korporasiyasının prezidenti Satya Nadella bildirib ki, bu müddət ərzində texniki dəstəkdən 70 min qeyri-kommersiya təşkilatı faydalanacaq.
Yeni təşəbbüsün məqsədi bundan öncə “Microsoft” korporasiyası tərəfindən elan olunmuş qlobal hədəfin həyata keçirilməsidir: geniş miqyasda qlobal iqtisadi və sosial problemlərin həlli üçün bulud hesablamalarının əlçatan olmasıdır.
Ötən ilin sonunda yaradılmış “Microsoft Philanthropies” xeyriyyə təşkilatının məqsədi hazırda mövcud olan qeyri-kommersiya strukturlarına ianə və kompyuter təhsilinə maliyyə yardımını daxil edən mesenat proqramını genişləndirməkdir.
Bölmənin digər xəbərləri
