Milli Məclisin deputatı Moskvada “Rusiya-Azərbaycan: tarixi dialoq” beynəlxalq layihəsinin təqdimatında iştirak edəcəkdir
Bakı, 7 mart (AZƏRTAC). Azərbaycan Respublikası Milli Məclisinin deputatı Mixail Zabelin “Rusiya-Azərbaycan: tarixi dialoq” beynəlxalq layihəsinin və bu layihə çərçivəsində hazırlanmış ilk kitabın təqdimat mərasimində iştirak etmək üçün martın 11-də Rusiyanın paytaxtı Moskvaya yola düşəcəkdir.
Milli Məclisin mətbuat xidmətindən AZƏRTAC-a bildirmişlər ki, STMEGİ Xeyriyyə Fondunun prezidenti German Zaxaryayevin “Azərbaycanda etnomədəni müxtəliflik” adlı kitabının təqdimat mərasimi Rusiya Dövlət Kitabxanasının Şərq Ədəbiyyatı Mərkəzində keçiriləcəkdir.
Tədbirin təşkilatçıları Heydər Əliyev Fondu, Ümumrusiya Azərbaycan Konqresi, STMEGİ Xeyriyyə Fondu, Rusiya Elmlər Akademiyasıdır.
Mixail Zabelin tədbirdə çıxış edərək Azərbaycandakı tolerantlıq mühitindən, ölkəmizdə azsaylı xalqlara göstərilən qayğıdan danışacaqdır.
Səfər martın 13-də başa çatacaqdır.
Bölmənin digər xəbərləri
