Bakı, 19 sentyabr, AZƏRTAC

Ermənistan sosial media hesablarında paylaşılan mülki şəxslərin və mülki infrastrukturun guya Silahlı Qüvvələrimiz tərəfindən atəşə məruz qalması barədə məlumatlar tamamilə yalandır, dezinformasiya xarakteri daşıyır.

Bu barədə AZƏRTAC-a Müdafiə Nazirliyinin mətbuat xidmətindən məlumat verilib.

“Dəfələrlə qeyd etdiyimiz kimi mülki şəxslər və heç bir mülki obyekt Silahlı Qüvvələrimiz tərəfindən hədəfə alınmır, yalnız legitim hərbi hədəflər zərərsizləşdirilir”, - deyə məlumatda bildirilib.

Qeyd olunan müvafiq faktlardan bəziləri nazirlik tərəfindən təqdim edilib.