MOSKVA KREMLİNİN MUZEYLƏRİ SAMURAY LAYİHƏSİNİ GÖSTƏRƏCƏKDİR
AZƏRTAC xəbər verir ki, Moskva Kremlinin Birsütunlu palatasında və Uspenski zəng qülləsində Tokio milli muzeyinin iştirakı ilə təşkil edilmiş “Samuraylar: Yaponiya hərbi aristokratiyasının sərvətləri” sərgisi açılacaqdır.
Sərgi iki hissədən ibarətdir. Silah və yaraq-əsləhəyə həsr edilmiş birinci hissə Uspenski zəng qülləsində yerləşir. Eksponatlar arasında Yaponiyada salamat qalmış ən qədim, XI əsrə aid qılıncı görmək olar.
İkinci hissədə (Birsütunlu palatada) dekorativ-tətbiqi sənət əşyaları - qızılı sapla tikilmiş kostyumlar və teatr aktyorlarının maskaları, çay dəsgahı üçün ləvazimat nümayiş etdiriləcəkdir.
Sərgidə 70-dən çox əşya təqdim olunacaqdır.
Bölmənin digər xəbərləri
