Bakı, 13 avqust (AZƏRTAC). Noyabrın 8-9-da Moskvada veb -analitika və İnternet-marketinqinin səmərəliliyinin artırılmasına həsr olunmuş ikinci konfrans keçiriləcəkdir.

“İnfoprostranstvo” mərkəzində təşkil olunacaq tədbirdə İnternet-marketinq və veb-analitika sahəsi üzrə ekspertlər, həmçinin Rusiyanın iri şirkətlərini təmsil edən İnternet-marketoloqlar və digər mütəxəssislər çıxış edəcəklər.

lenta.ru saytının məlumatına görə, konfransın əsas məruzəçiləri qismində İnternet-marketinq və veb-analitika üzrə dünyada tanınmış ekspertlər Brayan Ayzenberq və Ceffri Ayzenberq çıxış edəcəklər.

Tədbirin əsas müzakirə mövzusu veb-analitika alətlərinin xülasəsi və onlardan istifadə qaydaları olacaqdır.