“Müasir dünyada islamofobiya və onun təzahür formaları” kitabı çapdan çıxıb
Bakı, 25 yanvar, AZƏRTAC
Azərbaycan Milli Elmlər Akademiyası akademik Z.M.Bünyadov adına Şərqşünaslıq İnstitutunun aparıcı elmi işçisi, tarix üzrə fəlsəfə doktoru Əmmar Abbasovun “Müasir dünyada islamofobiya və onun təzahür formaları” kitabı işıq üzü görüb.
İnstitutdan AZƏRTAC-a bildirilib ki, əsər giriş, 2 fəsil, nəticə və istifadə edilmiş ədəbiyyat siyahısından ibarətdir. Birinci fəsildə dünyada İslama qarşı mübarizə tarixi nəzərdən keçirilir, islamofobiya müstəvisində Azərbaycanda İslamın ümumi vəziyyəti şərh edilib.
Müasir dünyada islamofobiyadan bəhs edən ikinci fəsildə İslama qarşı çıxışlar, eləcə də dövlət, din xadimləri və alimlərin onlara tutarlı cavabları verilib. Nəşrdə, həmçinin ərəb alimlərinin islamofobiyaya münasibəti şərh edilib.
Bölmənin digər xəbərləri
