Müdafiə təyinatlı məmulatların istehsalının artırılması nəzərdə tutulmuşdur
Bakı, 13 yanvar (AZƏRTAC). Müdafiə Sənayesi Nazirliyinin istehsalat birliklərində nazir Yavər Camalovun sədrliyi ilə səyyar müşavirələr keçirilmişdir.
Nazirlikdən AZƏRTAC-a bildirmişlər ki, müşavirələrdə istehsalat birlikləri üzrə ötən ilin yekunları barədə məlumatlar dinlənilmiş, 2011-ci ilin Dövlət Müdafiə Sifarişi Proqramının layihəsi müzakirə edilmişdir. Qeyd olunmuşdur ki, layihədə, cari ildə 86 mövzu üzrə müdafiə təyinatlı məmulatların yaradılması, onların sınaqdan keçirilməsi, eləcə də bu qəbildən olan məhsulların istehsalının ötən illə müqayisədə 4 dəfədən çox, mülki məmulatların istehsalının və çeşid sayının 15 faiz artırılması nəzərdə tutulmuşdur.
Y.Camalov Proqramının icrasının sürətləndirilməsi üçün nazirliyin tabeçiliyində olan müəssisələrin yeni texnologiya və avadanlıqla təchizatı ilə bağlı tapşırıqlar vermişdir.
Bölmənin digər xəbərləri
