MÜHARİBƏDƏN ZƏRƏR ÇƏKƏN NƏQLİYYAT İŞÇİLƏRİ İCTİMAİ BİRLİYİ DÖVLƏT VƏSAİTİ İLƏ MALİYYƏLƏŞDİRİLƏN LAYİHƏNİ BAŞA ÇATDIRMIŞDIR
AZƏRTAC xəbər verir ki, Müharibədən Zərər Çəkən Nəqliyyat İşçiləri İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurasının ayırdığı maliyyə vəsaiti ilə “Müharibədən zərər çəkən gənclərin təhsil hüququ - problemlər və perspektivlər, yerli və beynəlxalq təcrübə” adlı layihəsini başa çatdırmışdır.
Bununla əlaqədar dekabrın 6-da “Caspian Plaza” mehmanxanasında Prezidentin İcra Aparatının ictimai-siyasi məsələlər şöbəsinin, Təhsil Nazirliyinin, Şuranın, istimaiyyətin nümayəndələrinin iştirakı ilə yekun tədbiri keçirilmişdir.
İctimai Birliyin sədri Xədicə Babayeva bildirmişdir ki, layihənin əsas məqsədi Ermənistan-Azərbaycan, Dağlıq Qarabağ münaqişəsi nəticəsində zərər çəkmiş gənclərin təhsil problemlərinin araşdırılması, bu sahədə ictimai monitorinqin keçirilməsi, onların həlli yollarının müəyyənləşdirilməsindən ibarət idi.
Layihə çərçivəsində seminar təşkil edilmiş, interaktiv müzakirələr, sosioloji sorğular keçirilmişdir. Seminar materiallarını, o cümlədən aparılmış monitorinqin və sorğunun nəticələrinin toplandığı kitabça çap olunmuşdur.
Tədbirdə müharibədən zərər çəkmiş gənclərin təhsil problemlərinin həllində bu cür layihələrin reallaşmasının əhəmiyyəti vurğulanmışdır.
Bölmənin digər xəbərləri
