Murat Kərimsakov: Orta Dəhliz AQEM dövlətlərində kiçik və orta biznesin inkişafına səbəb ola bilər
Bakı, 20 may, AZƏRTAC
Orta Dəhlizin təşviqi AQEM dövlətlərində kiçik və orta biznesə stimul verərək onların inkişaf etməsinə səbəb ola bilər.
AZƏRTAC xəbər verir ki, bu sözləri Qazaxıstan Ticarət və Kommersiya Şurasının sədri Murat Kərimsakov Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Biznes Şurasının 8-ci plenar iclasında çıxışı zamanı deyib.
O bildirib ki, Çin, Qazaxıstan, Azərbaycan, Türkiyə və Avropanı birləşdirən Orta Dəhliz əhəmiyyətli beynəlxalq layihədir. Bu layihədə iştirakçı dövlətlərdə kiçik və orta biznesin inkişafı üçün imkanlar yaradır.
“Qazaxıstan ilə Azərbaycan Orta Dəhliz çərçivəsində yaxın əməkdaşlıq əlaqələrinə malikdir. Azərbaycan Qazaxıstanın Aktau limanı vasitəsilə idxal-ixrac əməliyyatlarını həyata keçirir. Bu limandan istifadə edərək Qazaxıstan həm Azərbaycan, həm də digər ölkələrlə ticarət əlaqələrini genişləndirir. Qazaxıstan AQEM çərçivəsində geniş əməkdaşlıqlar qurmaq, ticarət dövriyyəsini artırmaqda maraqlıdır”, - deyə Murat Kərimsakov vurğulayıb.
Bölmənin digər xəbərləri
