Sumqayıt, 8 fevral, Ətrabə Rzayeva, AZƏRTAC

Sumqayıt Regional Mədəniyyət İdarəsinə tabe olan Q.Qarayev adına 1 nömrəli uşaq musiqi məktəbinin şagirdləri onlayn formatında keçirilən müsabiqənin qalibləri olub.

İdarədən AZƏRTAC-a bildirilib ki, məktəbin yetirmələri ikinci zonalararası “Milad royalı” müsabiqəsində diplomlara layiq görülüblər.

Belə ki, sözügedən müsabiqədə fortepiano ixtisası üzrə 5-ci sinif şagirdi Valeriya Olxova öz yaş kateqoriyasında 1-ci dərəcəli diploma, 1-ci sinif şagirdi Ceyran Talıblı, 2-ci sinif şagirdi Ayla Heydərova öz yaş kateqoriyasında 2-ci dərəcəli diploma layiq görülüblər.

Həmçinin, 4-cü sinif şagirdi Aytac Vəlizadə öz yaş kateqoriyasında xüsusi diploma layiq görülərək laureat adını alıb. Şagirdləri müsabiqəyə məktəbin müəllimi Sevda Məcidova hazırlayıb.