MÜVAFİQ TEST TAPŞIRIQLARI İLƏ BAĞLI MÜZAKİRƏLƏR APARILMIŞDIR
Tələbə Qəbulu üzrə Dövlət Komissiyasından AZƏRTAC-a bildirmişlər ki, alman və fransız dili fənləri üzrə elmi-metodiki seminar davam etdirilmişdir.
Seminarda yeni test tapşırıqları müzakirə olunmuşdur.
Fransız dili fənni üzrə Azərbaycan Dillər Universitetinin (ADU) muəllimləri R.İsayeva və Ç.Babaxanova, 239 nömrəli orta məktəbin müəllimi M.Məmmədova, 282 nömrəli orta məktəbin müəllimi Ü.Cəfərova, alman dili fənni üzrə ADU-nun dosenti Ş.Şabanov, 116 nömrəli orta məktəbin müəllimləri X.Hüseynova və N.Məmmədova, 18 nömrəli orta məktəbin müəllimi T.Mürsəlova çıxış edərək, təqdim olunan yeni test tapşırıqlarının bəzilərinin müvafiq qəbul proqramına uyğun olmadığını qeyd etmişlər.
Müzakirələr nəticəsində bəyənilən test tapşırıqlarının yenidən işlənilməsi və test bankının zənginləşdirilməsi qərara alınmışdır.
Bölmənin digər xəbərləri
